ویبینار میں ماہرین کی جانب سے پاک چین شراکت داری قومی سلامتی کے لئے نہایت اہمیت کا حامل قرار۔
.
ماہرین نے ڈویلپمنٹ کمیونیکیشن نیٹ ورک (ڈیو کام پاکستان) کے زیر اہتمام “قومی سلامتی کے لئے پاک چین شراکت داری” کے عنوان سے منعقدہ ایک ویبینار میں تبادلہ خیال کرتے ہوئے جغرافیائی بدلتےسیاسی منظر نامے میں پاک چین شراکت کو قومی سلامتی کے لئے نہایت اہمیت کا حامل قرار دیا ہے۔ان کا مزید کہنا ہے کہ وبائی بیماری ہو یا علاقائی تنازعات کو حل کرنا، دونوں ممالک کے مفادات ایک دوسرے کے ساتھ جڑے ہوئے ہیں۔ سینیٹ کی قائمہ کمیٹی برائے امور خارجہ کے چیئرمین سینیٹر مشاہد حسین سید نے کہا کہ چین اور پاکستان کو ماضی کے مقابلے میں تعلقات کو مزید مستحکم کی ضرورت ہے۔ لیفٹیننٹ جنرل (ر) طلعت مسعود نے کہا کہ سی پیک کے دوسرے مرحلے نے دونوں ممالک کو صنعتی، زرعی اور دفاعی تعاون کو مزید فروغ دینے کے کثیرمواقع فراہم کیے ہیں جن کے ذریعے موجودہ دوستی کو مزید مستحکم کیاجاسکتا ہے۔
وزیرمنصوبہ بندی احسن اقبال کی زیرصدارت سی پیک جے ڈبلیو جیز اور 13ویں جےسی سی کے حوالے سے جائزہ اجلاس کا انعقاد۔
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت پاک چین اقتصادی ر…