وزیر اعظم اے جے کے اور چینی کمپنیوں کی جانب سے ہائیڈل منصوبوں میں تیزی لانے کے لئے سی پیک اتھارٹی کے کردارکی تعریف۔

وزیر اعظم آزاد جموں و کشمیر راجہ فاروق حیدر اور چائینہ تھری گورج اور چائینہ گیزوباکے چیف ایگزیکٹو آفیسروں نے سی پیک اتھارٹی کے چیئرمین لیفٹیننٹ جنرل (ر) عاصم باجوہ سے خصوصی ملاقات کی ہے۔اس موقع پر عہدیداران نے سی پیک کے تحت کوہالہ اور آزاد پتن ہائیڈل پاور منصوبوں میں تیزی لانے میں سی پیک اتھارٹی کے کردار کو تسلیم کیا اور قابلِ ستائش قرار دیا۔ واضح رہے کہ ان دونوں منصوبوں میں مشترکہ طور پر 4 ارب ڈالر کی سرمایہ کاری کی گئی ہے جبکہ ان سے 1800 میگاواٹ گرین توانائی پیدا ہوگی اور مقامی آبادی کے لئے 8000 روزگار کے مواقع پیدا ہونگے۔