پاکستان اور چین چِلی صنعتی پارک کا قیام عمل میں لائیں گے،چیئرمین لی ژیمن۔

چینگڈو لولو ایگریکلچرل مینو فیکچرنگ کمپنی لمیٹڈ کےچیئرمین لی ژیمن نے ذرائع ابلاغ سے گفتگو کرتے ہوئے کہا ہے کہ چین کی زرعی کمپنی کی مرچ کی صنعت کو ترقی دینے کے لئے پاکستان کے ساتھ صنعتی تعاون پر توجہ مرکوز ہے۔ انہوں نے مزیدکہا کہ پاکستان ایک وسائل سے مالا مال ملک ہے جس کے سبب چین کے مینوفیکچرنگ اور انڈسٹری مینجمنٹ کے تجربات کے تبادلہ سے دوررس نتائج برآمد ہونگے۔ انہوں نے مزید کہا کہ کمپنی پاکستان میں مرچ کی صنعت میں سرمایہ کاری کی خواہاں ہے۔ انہوں نے کہا کہ چینگڈو لولو ایگرکلچرل ایکوپمنٹ کمپنی اور پاکستان کے متعلقہ ادارے مشترکہ طور پر “پاکستان چائینہ چِلی انڈسٹریل پارک” تعمیر کریں گے۔