پی آئی اے کی خصوصی پرواز چین سے طبی سازوسامان کی چھٹی کھیپ لے کر پاکستان پہنچ گئی۔۔۔

پاکستان انٹرنیشنل ایئرلائنز (پی آئی اے) کی خصوصی پرواز چین سے طبی سازوسامان کی چھٹی کھیپ لے کر وطن واپس پہنچ گئی ہے۔تفصیلات کے مطابق طبی امداد کی اس کھیپ میں ٹسٹنگ کِٹس ، این- 95 ماسک اور دستانے شامل ہیں۔ نیشنل ڈیزاسٹر مینجمنٹ اتھارٹی (این ڈی ایم اے) کسٹم سے کلیئرنس کے بعد طبی سامان تقسیم کرے گی۔ طبی سازوسامان کی امداد کے علاوہ چین نے پاکستان کو کووڈ-19کے خلاف جنگ میں مدد کے لئے 4 ملین ڈالر کی خصوصی گرانٹ بھی فراہم کی ہے۔