ای سی سی سینڈک کاپر گولڈ پروجیکٹ کی لیز میں توسیع کی منظوری دے گی۔

میڈیا رپورٹ کے مطابق کابینہ کی اقتصادی رابطہ کمیٹی (ای سی سی) آج 11 نکاتی ایجنڈے پر غور کرے گی جس میں سینڈک کاپر گولڈ پراجیکٹ کے چینی کنٹریکٹرز کو لیز میں توسیع اور سی پیک کے دوسرے مرحلے میں چینی پاور پروڈیوسرز کی سرمایہ کاری کو راغب کرنے کے لیے ٹیکس میں رعایتوں کی بحالی شامل ہے۔جبکہ ای سی سی انڈپنڈنٹ پاور پروڈیوسرز (آئی پی پیز) کی طرز پر پبلک سیکٹر پاور پروڈیوسرز کے لیے ادائیگی کے منصوبے پر بھی غور کرے گی۔واضح رہےکہ میٹالرجیکل کارپوریشن آف چائنا (ایم سی سی) اور سرکاری ملکیت سیندک میٹلز لمیٹڈ (ایس ایم ایل) نے 2017 میں ایک معاہدے پر دستخط کیے تھے جس کے تحت چینی فرم نے سیندک کاپر گولڈ پروجیکٹ کو پانچ سال تک آپریٹ کرنا تھا۔ لیز کی مدت30 اکتوبر کو ختم ہونے والی ہے۔