بیجنگ میں پاکستانی سفارت خانہ میں یوم اقبال کی تقریب میں چینی طلباء نے اقبال کی شاعری پیش کی۔

بیجنگ فارن اسٹڈیز یونیورسٹی (بی ایف ایس یو) کے شعبہ اردو زبان کے چینی طلباء کے ایک گروپ نے عظیم شاعر اور فلسفی علامہ محمد اقبال کی یوم پیدائش کی مناسبت سے سفارت خانہ پاکستان میں منعقدہ خصوصی تقریب کے دوران علامہ اقبال کی شاعری پیش کی۔ مزید برآں ڈپٹی ہیڈ آف مشن احمد فاروق نے صدر ڈاکٹر عارف علوی اور وزیر اعظم عمران خان کے پیغامات پڑھ کر سنائے۔ پاکستانی سفیر معین الحق نے چین میں علامہ اقبال کی شاعری کے ساتھ ساتھ اردو زبان کے فروغ میں چینی طلباء اور ماہرین تعلیم کی تعریف کی۔