سی پیک اتھارٹی کا قیام مختلف شعبوں میں باہمی تعاون کے فروغ کے لئے نہایت مددگار ثابت ہوگا..خسرو بختیار،وزیر منصوبہ بندی و ترقی

اسلام آباد میں وفاقی وزیر برائے منصوبہ بندی و ترقی مخدوم خسرو بختیار نے پریس کانفرنس سے خطاب کرتے ہوئے کہا ہے کہ حکومتِ پاکستان نے چین پاکستان اقتصادی راہداری کے مختلف منصوبوں کے فوری آغاز اور موجودہ نظام کو مزیدبہتر بنانے کے لئے سی پیک اتھارٹی قائم کرنے کا فیصلہ کیا ہےاور سی پیک اتھارٹی وزارت منصوبہ بندی و ترقی کے ماتحت کام کرے گی جبکہ اس سلسلے میں چین کی جانب سے نیشنل ڈویلپمینٹ ریفارم سیل اپنا کردار ادا کرے گا اس کے علاوہ ان کا مزید کہنا تھا کہ سی پیک منصوبے کے تحت ملک بھر خصوصاً گوادر میں مختلف منصوبےشروع کئے جا رہے ہیں۔جبکہ دونوں ملکوں کے درمیان آزاد تجارت کے معاہدے کے بعد پاکستان کی برآمدات میں اضافہ ہوا ہے