سی پیک صحت کے شعبے میں تعاون کی نئی راہیں ہموار کرے گا۔

شینڈونگ یونیورسٹی کے سرجن اور پی ایچ ڈی سکالر ڈاکٹر محمد شہباز نے کووڈ-19 سے نمٹنے کے لئے چین کے قابل ذکر ردِ عمل اور کردار کو قابلِ تعریف قرار دیا ہے۔ ڈاکٹر شہباز کے مطابق وبائی بیماری نے پاکستان کو چین پاکستان اقتصادی راہداری (سی پیک) کے تحت چین کے ساتھ صحت کے شعبے میں تعاون کو بڑھانے کا ایک نادر موقع فراہم کیا ہے۔ اور موجودہ صورتحال میں چینی ماہرین سے معلومات کا تبادلہ کرنا اور ان سے استفادہ حاصل کرنا پاکستانی ڈاکٹروں کی صلاحیت میں اضافے کے لئے نہایت فائدہ مند ثابت ہوسکتا ہے۔ اسی طرح باہمی تعاون سے نہ صرف پاکستان کے صحت کے شعبے کو تقویت ملے گی بلکہ عوام کو صحت کی سستی مصنوعات تک آسانی سے فراہمی میں بھی فائدہ مند ثابت ہوگا۔