سی پیک منصوبہ کے مختلف پراجیکٹس پر عمل درآمد کے واسطے دونوں ملکوں کا پاک چین بزنس کونسل قائم کرنےکا فیصلہ….. خسرو بختیار،وزیر منصوبہ بندی و ترقی

وفاقی وزیر برائے منصوبہ بندی و ترقی مخدوم خسرو بختیار نے پریس کانفرنس سے خطاب کرتے ہوئے کہا کہ پاکستان اور چین نےسی پیک منصوبہ کے دوسرے مرحلے میں صنعتی اور زرعی ترقیاتی منصوبوں پر عمل درآمد کے واسطے نجی شعبے سے ماہرین کو شریک کرنے کیلئے پاک چین بزنس کونسل قائم کرنے کا فیصلہ کیا ہےاور اس سلسلے میں جلد ہی پارلیمنٹ میں ایک بل بھی پیش کیا جائے گا جبکہ اس بزنس کونسل میں دونوں ملکوں کے چیدہ چیدہ تاجر شامل ہونگے جو نجی شعبے کی بہتری کے لئے نمایاں کردار ادا کریں گے.اس کے علاوہ ان کا مزید کہنا تھا کہ سی پیک منصوبہ کی خوش اسلوبی سے تکمیل حکومتِ پاکستان کی اہم ترجیحات میں شامل ہے جس کے سبب سماجی اور معاشی فلاح و بہبود کے شعبے پر خاص توجہ دی جارہی رہی ہے