سی پیک کا مغربی روٹ مقامی معیشت کو مستحکم کر رہا ہے۔

سی پیک کے مغربی روٹ کے تحت ہکلہ-ڈی آئی خان موٹروے (ایم-14) نےجنوبی خیبر پختونخوا کے تعمیراتی شعبے کو فروغ دیا ہے۔ توقع ہے کہ اس موٹروے کا باقاعدہ افتتاح ستمبر میں کیا جائے گا اور اگلے مرحلے میں اسے ژوب-کوئٹہ کے ساتھ جوڑا جائے گا۔اس کے علاوہ مغربی روٹ کے ساتھ ساتھ کئی ترقیاتی منصوبے جیسے ہوٹل ، بازار ، دکانیں اور ہاؤسنگ سوسائٹیوں کے تعمیراتی سلسلے کو بھی دیکھا جاسکتا ہے۔ مقامی لوگوں نے میڈیا سے گفتگو کرتے ہوئے کہا ہےکہ پہلے مرحلے میں ملازمین کو ان منصوبوں سے فائدہ ہوا ہے جبکہ دوسرے مرحلے میں کاروباری سرگرمیاں فروغ پائیں گی۔ ان منصوبوں کے علاوہ کے پی حکومت نے سی پیک کی مشترکہ تعاون کمیٹی (جے سی سی) کے متوقع 10 ویں اجلاس میں صوبے کے جنوبی اضلاع کی ترقی کے لیے چار میگا پراجیکٹس تجویز کیے ہیں۔