سی پیک کی بروقت تکمیل حکومتِ پاکستان کی اہم ترین ترجیح: شاہ محمودقریشی،وفاقی وزیر خارجہ۔

وفاقی وزیر خارجہ شاہ محمود قریشی نے اس بات کی تصدیق کی ہے کہ حکومت نے چین-پاکستان اقتصادی راہداری کے تحت تمام منصوبوں کی بروقت تکمیل کو اہم ترین ترجیح دی ہے۔تفصیلات کے مطابق پاک- چین سفارتی تعلقات کی 69 ویں سالگرہ کے موقع پر انہوں نے زور دے کر کہا ہے کہ چین پاکستان کا آہنی بھائی ہے نیز دوطرفہ اسٹریٹجک شراکت داری ہر آزمائش پر پورا اترتے ہوئے وقت کے ساتھ ساتھ مزید مستحکم ہوتی جا رہی ہے۔ مزید برآں انہوں نے واضح کیا کہ پاکستان کی تمام سیاسی جماعتیں چین کے ساتھ باہمی اشتراک کے حوالے سے ایک ہی صف میں کھڑے ہیں۔