سی پیک کے تحت جوائینٹ ورکنگ گروپ برائے زراعت اورسائنس و ٹیکنالوجی قائم کیا جائے گا: اسد عمر

صدر ِ پاکستان عارف علوی کے اپنے چینی  ہم منصب کی دعوت پر چین  کے دورے سے قبل وزیر منصوبہ بندی اسد عمر نے اعلان کیا ہے کہ سی پیک کے تحت زراعت و سائنس و ٹیکنالوجی کے لئے دو نئے مشترکہ ورکنگ گروپس کے قیام کے لئے بیجنگ میں مفاہمت ناموں پر دستخط کیے جائیں گے۔ انہوں نے مزید کہا کہ یہ سی پیک کے پہلے مرحلے کو وسعت دینے کی ایک کڑی  ہے جو بنیادی طور پر انفراسٹریکچر کی ترقی اوراقتصادی شراکت داری سے مشروط تھی۔