صدرِ پاکستان عارف علوی کا حالیہ دورہ چینی میڈیا پر ٹاپ ٹرینڈبن گیا۔۔۔ چینی عوام کے دل جیت لئے۔۔۔

صدرِ پاکستان عارف علوی کے دورہ چین کو چینی ذرائع ابلاغ نے شاندار الفاظ میں سراہا ہے اور پاکستان کی جانب سے اظہار یکجہتی کے اس مثبت اقدام نے چینی عوام کے دل جیت لئے ہیں۔چینی عوام نے پاکستانی صدر کے دورہ چین کو مضبوط دوستی کے رشتے کا مظہر قرار دیتے ہوئے مشکل گھڑی میں صدر عارف علوی کے دورے پر دلی طور پر تشکر کا اظہار کیا ہے۔ چینی ذرائع ابلاغ کے فالوورز نے آن لائن پاکستان سے اپنی گہری محبت اور دلی وابستگی کا اظہار کیا ہے۔