علامہ اقبال انڈسٹریل سٹی کے سبب 300,000روزگار کے مواقع پیدا ہونے کے علاوہ پاکستان میں400 ارب روپے کی سرمایہ کاری ہوگی۔۔۔۔۔

سی پیک منصوبہ سے متّصل علامہ اقبال انڈسٹریل سٹی،فیصل آباد میں 300,000 روزگار کے نئے مواقع پیدا کرنے کے علاوہ مختلف نوعیت کی صنعتوں جن میں آٹو موبائیل، انجینئرنگ، فارماسیوٹیکل، فورڈ پراسیسنگ، تعمیراتی میٹیریلز اور ٹیکسٹائل کے شعبے شامل ہیں میں 400ارب روپے تک کی سرمایہ کاری کو راغب کرئے گی۔ اسی طرح اس پراجیکٹ کی مدد سے نہ صرف ملک کی شرح نمو میں بہتری کے مواقع میسر آئیں گے بلکہ امپورٹ سبسٹیوشن پالیسی کو فروغ دینے میں بھی مدد ملے گی۔واضح رہے کہ علامہ اقبال انڈسٹریل زون سی پیک کے مشرقی روٹس پر واقع ہے اور یہ ایم3 موٹروے سے ملحقہ 4500 ایکڑ اراضی پر محیط ہے۔جبکہ فیصل آباد انڈسٹریل اسٹیٹ ڈویلپمنٹ اینڈ منیجمنٹ کمپنی(ایف آئی ای ڈی ایم سی) ایم 3 انڈسٹریل سٹی کی تعمیر و ترقی میں اپنی کاوشوں کو بروئے کار لا رہی ہے۔