وزیر اعظم عمران خان نے سی پیک پراجیکٹس پر کام کی پیشرفت کا جائزہ لیا،پاک چین اسٹریٹجک تعاون کو بے مثال قرار دیا۔

سی پیک منصوبوں پر کام کی پیش رفت پیشرفت کا جائزہ لیتے ہوئے وزیر اعظم پاکستان عمران خان نے کہا ہے کہ پاکستان اور چین کے مابین اسٹریٹجک شراکت داری دنیا کے لئے مثالی ہے۔ انہوں نے مزید کہا کہ سی پیک نہ صرف پاکستان بلکہ پورے خطے کے لئے معاشی ترقی کا موجب بنے گا۔ وزیر اعظم عمران خان نے مزید کہا کہ پاکستان اور چین کے مابین سدا بہار تزویراتی تعاون پر مبنی شراکت غیر معمولی ہے اور باہمی دلچسپی کے شعبوں میں سرمایہ کاری کو فروغ دینا اور سرمایہ کاروں کو ہر ممکن سہولیات فراہم کرنا ضروری ہے۔ انہوں نے خصوصی اقتصادی زونز پر کام کی رفتار پر بھی اطمینان کا اظہار کیا جن سے توقع کی جارہی ہے کہ وہ پاکستان میں صنعت کاری کو فروغ دیں گے اور ملک میں مزید سرمایہ کاری کو راغب کرنے میں مددگار ثابت ہونگے۔