پاکستان،افغانستان اور چین کے سہ فریقی مذاکرات کے لیے چینی وزیر خارجہ کل اسلام آباد پہنچیں گے۔

چین کے وزیرخارجہ قن گانگ کل سے پاکستان کا دوروزہ سرکاری دورہ کرینگے۔دفترخارجہ کی ترجمان کے مطابق عہدہ سنبھالنے کے بعد یہ ان کا پہلا دورہ پاکستان ہوگا۔وزیرخارجہ بلاول بھٹو زرداری اور چینی وزیرخارجہ پاک چین تزویراتی مذاکرات کے چوتھے دور کی مشترکہ صدارت کریںگے۔ تزویراتی مذاکرات ایک منظم طریقہ کار ہے جس میں اہم شعبوں میں دو طرفہ تعاون کا جائزہ لیا جاتا ہے۔فریقین سدابہار، تذویراتی شراکت داری، پاک چین کثیر جہتی تعاون اور علاقائی وعالمی امور پر تبادلہ خیال کریں گے۔تزویراتی مذاکرات کا تیسرا دور جولائی 2021 میں چین کے شہر چینگڈو میں ہوا تھا۔