پاکستان اور چین مشترکہ خوشحالی کے سفر میں ایک دوسرے کے شانہ بشانہ کھڑے ہیں

لاہور میں تعینات چینی قونصل جنرل ژاؤ شیرین لکھتے ہیں کہ یکم اکتوبر 2022 کو عوامی جمہوریہ چین کے قیام کی 73 ویں سالگرہ ہے۔ انہوں نے پنجاب میں رہنے اور کام کرنے والے تمام چینی ہم وطنوں کے تحفظ، صحت و سلامتی، خوشی اور خوشحالی کے لیے نیک خواہشات کا اظہار کیا ۔ انہوں نے مزید کہا کہ چین نے پاکستان کو تقریباً 600 ملین یوان (پی آر ایس 20 بلین کے برابر) کی انسانی امداد دینے کا وعدہ کیا ہے۔ان کا مزید کہنا تھا کہ پنجاب میں چینی کمیونٹی نے بھی جنوبی پنجاب کے آفت زدہ علاقوں میں امدادی سرگرمیوں میں مدد فراہم کی ہے۔ چین نے 2018 کے پہلے 6 مہینوں میں 2.5 فیصد معاشی نمو کا مشاہدہ کیا ہے جبکہ چوتھی سہ ماہی میں تیزی سے بحالی اور معیشت کی متحرک ترقی دیکھنے کو ملے گی۔ان کا مزید کہنا تھا کہ چین کی کمیونسٹ پارٹی رواں ماہ بیجنگ میں اپنی 20ویں قومی کانگریس منعقد کرے گی۔ انہوں نے یہ بھی بتایا کہ چین کی پاکستان کے ساتھ تجارت 18.41 بلین ڈالر رہی جو کہ سال بہ سال 7.28 فیصد زیادہ ہے۔ پاکستان کی چین کو برآمدات پہلے آٹھ ماہ میں 2.40 بلین ڈالر تک پہنچ گئیں جس نے ایک نیا ریکارڈ قاٸم کیا ہے۔