پاکستان اور چین مضبوط دوستی کو مزید مستحکم کرنے کے لیے کوشاں ہیں،ترجمان چینی وزارتِ خارجہ

چینی وزارت خارجہ کے ترجمان ژاؤ لیجیان نے کہا ہے کہ پاکستان اور چین نے اپنے دیرینہ تعلقات کو مزید مستحکم کرنے کا عہد کیا ہے اور کسی بھی ملک یا طاقت کواس تزویراتی تعاون پر مبنی شراکت داری کو نقصان پہنچانے کی ہر گزاجازت نہیں دی جائے گی۔ انہوں نے مزید کہا کہ پاکستان اور چین دونوں کےوزرائے خارجہ نے اپنی ورچوئل میٹنگ کے دوران اسٹریٹجک تعاون پر مبنی اتحاد اور سیاسی تعاون کو فروغ دینے پر اتفاق کیا ہے۔ انہوں نے یہ بھی کہا کہ چین معاشی اور مالیاتی استحکام کو برقرار رکھنے کے لیے اپنی ترقی کی حکمت عملی کو پاکستان کی کوششوں کے ساتھ ہم آہنگ کرنے کا خواہاں ہے۔