پاکستان میں کام کرنے والے چینی باشندوں میں سے کسی میں بھی کرونا وائرس کی تصدیق نہیں ہوئی۔۔۔۔۔

بٹگرام میں سی پیک سے جڑے پراجیکٹس میں کام کرنے والے چینی محنت کشوں کی طبی چھان بین کے بعد تمام کو صحت مند قرار دیا گیا ہے اور کسی میں بھی کرونا وائرس کی تصدیق نہیں ہوئی۔اس کے ساتھ ساتھ تمام چینی محنت کشوں نے اس ضمن میں مکمل تعاون فراہم کرنے کی یقین دہانی بھی کرائی ہے۔اس کے علاوہ سی پیک سے جڑے تھر پاور پراجیکٹس کے عہدیداران نے بھی چینی شہریوں کو کام میں شمولیت سے قبل ہوائی اڈوں میں متعلقہ عہدیداران سے طبی کلیئرنس سرٹیفیکیٹس حاصل کرنے کی تاکید کی ہے۔