پاکستان نے سی پیک کے ضمن میں قومی باہمی اتفاق رائے حاصل کرنے کے علاوہ اس کے منصوبوں کی سیکیورٹی کو یقینی بنایا۔۔۔

چین نے بیلٹ اینڈ روڑ انشی ایٹیو کے ذریعے سے پورے خطے میں رابطہ سازی کو فروغ دینے کے ساتھ ساتھ اپنی بھاری صنعتوں کو بروئے کار لاکرپورے خطے کی سماجی و اقتصادی ترقی کے لئے اپنی دور اندیش حکمت عملی کو جامہ پہنایا ہے۔ بیلٹ اینڈ روڑ انشی ایٹیو کے اہم پائلٹ پراجیکٹ چین- پاکستان اقتصادی راہداری(سی پیک) کی تکمیل دونوں ممالک کی اہم ترجیحات میں شامل ہے۔ پاکستان نے سی پیک کے حوالے سے قومی سطح پر باہمی اتفاق رائے حاصل کرکے اور سی پیک کے تحت منصوبوں کی سیکیورٹی کو یقینی بنا کر اہم امور سر انجام دیےہیں۔ نیز پاکستان نے اہم پیشہ ورانہ مہارت اور لگن کے ساتھ اس میگا پروجیکٹ کی بروقت تکمیل کی راہ میں حائل آزمائشوں کا نہایت احسن طریقے سے مقابلہ کیا ہے۔