پاکستان چین کے ساتھ تجارت اور سرمایہ کاری میں تعاون کو مزیدبڑھانے کا خواہاں ہے،وزیر اعظم شہباز شریف

چینی اخبار گلوبل ٹائمز میں لکھے گئے ایک مضمون میں وزیر اعظم شہباز شریف نے کہا ہےکہ پاکستان چین پاکستان آزاد تجارتی معاہدے کے دوسرے مرحلے کو بخوبی احسن طریقے سے بروئے کار لاتے ہوئے اور صنعتی تعاون کو بڑھا کر چین کے ساتھ تجارتی اور سرمایہ کاری میں تعاون کو بڑھانے کا خواہاں ہے۔ انہوں نے مزید کہا کہ بی آر آئی کے فلیگ شپ سی پیک نے چند سالوں کے مختصر عرصے میں ہماری سماجی و اقتصادی ترقی میں اہم کردار ادا کیا ہے۔ان کا مزید کہنا تھا کہ پاکستان اور خطے کے لیے گیم چینجر کے طور پر سی پیک ان کی حکومت کے ترقیاتی ایجنڈے کا مرکزی ستون ہے اور اس کے سبب توانائی اور ٹرانسپورٹ کے بنیادی ڈھانچے کے منصوبوں کی کامیابی سے تکمیل نے پاکستان کی اقتصادی ترقی اور متنوع شعبوں میں تعاون کے لیے ایک اہم بنیاد فراہم کرنےکا مرحلہ طے کیا ہے۔ انہوں نے مزید کہا کہ پاکستان اور چین اپنے عوام کے روشن مستقبل کے ساتھ ساتھ وسیع تر خطے کے امن و استحکام کے لیے کردار ادا کرنے کے لیے مشترکہ وژن کے ساتھ آگے بڑھ رہے ہیں۔