پاکستان کی جانب سے ڈیٹا سیکیورٹی سے متعلق چین کے عالمی اقدام کا خیرمقدم۔

چین نے عالمی ڈیجیٹل گورننس میں شراکت کے لئے ڈیٹا سیکیورٹی پر عالمی اقدام کی تجویز پیش کی ہے۔ حکومتِ پاکستان نے اس اقدام کا خیرمقدم کیا ہے اور اسے موزوں اور موثر اقدام قرار دیا ہے۔ دفترِ خارجہ کے ترجمان زاہد حفیظ چوہدری نے آئی سی ٹی اور سائبر سیکیورٹی میں بین الاقوامی تعاون کے لئے پاکستان کے عزم کا اعادہ کیا۔ انہوں نے کہا کہ چین کی تجویز کردہ عالمی اقدام اعداد و شمار کے تحفظ کے لئے ایک جامع نقطہ نظر کی حمایت کرتا ہے اور متعدد اہم امور کو حل کرتا ہے جن پر اقوام متحدہ سمیت کثیر جہتی فورموں پر بڑے پیمانے پر غور کیا جارہا ہے۔