پاک چین دوستی اور سی پیک وبائی مرض کے پھیلنے کے خطرات کے سبب متاثر نہیں ہونگے۔۔۔

پاکستان کے دفاترِ خارجہ نے واضح کیا ہے کہ کرونا وائرس کےوبائی مرض کے پھیلنے کے سبب پیدا ہونے والی صورتحال سے قطع نظر سی پیک کی بروقت تکمیل کو یقینی بنایا جائے گا۔ تفصیلات کے مطابق مقامی وسائل کو بروئے کار لانے کے علاوہ متعدد موثر اقدامات اٹھانے کے ذریعے سےحکومت سی پیک کے شیڈول کے مطابق طویل المدتی اور قلیل المدتی پراجیکٹس کی تکمیل کےعمل کو یقینی بنائے گی۔ چین نے پاکستان کو 4 ملین امریکی ڈالر کی امداد فراہم کی ہے جس سے کووڈ-19 کے وباء سے نمٹنے میں نہایت مدد ملے گی۔ حکومتِ پاکستان نے چین میں زیرِ تعلیم پاکستانی طلبا کی فلاح و بہبود کو یقینی بنانے کے عزم کا اظہار کیا ہے اور ساتھ ہی اس بات کی تصدیق بھی کی ہے کہ چین میں مقیم پاکستانی طلباء کو بہترین سہولیات کی فراہمی کو یقینی بنانے کے لئے چینی حکومت پُر عزم ہے۔