چیئرمین سرمایہ کاری بورڈ کی جانب سےخصوصی اقتصادی علاقوں میں سرمایہ کاروں کو مکمل حمایت فراہم کرنے کے عزم کا اعادہ۔

حکومت پاکستان سی پیک کے خصوصی اقتصادی علاقوں کے تحت صنعت کاری کوفروغ دینے کے لئے پرعزم ہے۔ وزیر مملکت اور بورڈ آف انویسٹمنٹ کے چیئرمین عاطف آر بخاری نے فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (ایف آئی ای ڈی ایم سی) کے ترجیحی خصوصی اقتصادی علاقہ علامہ اقبال انڈسٹریل سٹی (اے آئی آئی سی) میں مقامی اور غیر ملکی سرمایہ کاروں کو تمام ضروری سہولیات بہم فراہم کرنے کی یقین دہانی کرائی ہے۔ انہوں نے بتایا ہےکہ علامہ اقبال انڈسٹیل میں انڈسٹریل یونٹس مشینری کی درآمد پر دس سالہ ٹیکس چھوٹ سے بہرہ مند ہو سکیں گے۔