چین کی جانب سے اسلام آباد کے ایلیمنٹری سکول طلباء کے لئے 20,000 ”پانڈہ پیکس” سکول بستوں کا عطیہ۔۔۔۔۔

وفاقی دارالحکومت اسلام آباد میں تقسیمِ ”پانڈہ پیکس” کی تقریب کا انعقاد کیا گیا جس میں چین نے اسلام آباد کے گردنواح کے قصبوں کےجماعت اوّل سے پنجم تک کے طلباء کے لئے 20,000 سکول بستے تقسیم کیے ہیں۔ واضح رہے کہ ان تقسیم شدہ بستوں کے ساتھ لنچ بکس،کلر پینسل،ربڑ،شارپنر اور دیگر سٹیشنری کے سامان شامل ہیں جو بچوں کے زیرِ استعمال آئیں گے۔ اس تقریب کا انعقاد پاکستان ریڈ کراس سوسائٹی (پی آر سی ایس) اور چائینہ فاؤنڈیشن فار پُورٹی ایلیویشن نے مشترکہ طور پر کیا۔ اس تقریب سے خطاب کرتے ہوئے وزیر تعلیم شفقت محمود نے کہا کہ سی پیک منصوبہ کے مختلف پراجیکٹس کے لئے افرادی قوت کی ضرورت کو پورا کرنے لئے چین کی مدد سے ووکیشنل ٹریننگ انسٹیٹیوٹس کا قیام عمل میں لایا جا رہا ہے جس سے دو طرفہ دوستی کو مستحکم کرنے میں مدد ملے گی۔