قراقرم ہائی وے فیز ٹو پراجیکٹ کے سبب رابطہ کاری اورسماجی و اقتصادی فلاح و بہبود میں اضافہ ہواہے۔

سی پیک کے تحت قراقرم ہائی وے فیز ٹو پروجیکٹ چائنا کمیونیکیشن کنسٹرکشن کمپنی کی جانب سے تعمیر کیا جا رہا ہے جس سے نہ صرف علاقائی ٹرانسپورٹ نیٹ ورک بہتر ہوا ہے بلکہ مقامی لوگوں کو مالی فوائد بھی حاصل ہوئے ہیں۔ ایک ٹویٹ میں پاکستان میں تعینات چینی سفارت خانے کے ثقافتی اتاشی اور ثقافتی مرکز کے ڈائریکٹر ژانگ ہیقنگ نے کہا کہ یہ منصوبہ جدید ترین ٹیکنالوجی اور ڈیزائن کا حامل ہے اور یہ سی پیک کے تحت بنیادی ڈھانچے کا سب سے بڑا منصوبہ ہے۔ اس روڈ لنک میں 105 پل اور چھ سرنگیں شامل ہیں جس کے سبب رابطہ کاری میں نہایت سہولت فراہم ملے گی۔