چین کی جانب سے گوادر کے مچھیروں کو 2۔0 ملین ڈالر مالیت کے سازوسامان کاتحفہ۔۔۔

چینی قونصل خانہ کراچی کے قونصل جنرل وانگ یو نے گوادر کے مچھیروں کو کشتیوں کے انجن، گھریلو سولر سسٹمز اور مچھلیاں پکڑنے کے سازوسامان کا تحفہ دیا ہے۔ انہوں نے گوادر فشرمین الائینس کے چئیرمین خداداد وجواور مچھیروں کے نمائیندوں کو چین کے 2۔0 ملین ڈالر لاگت کے سازوسامان کا تحفہ پیش کیا۔ اس حوالے سے منعقدہ تقریب سے خطاب کرتے ہوئے چینی قونصل جنرل کا کہنا تھا کہ چین اور پاکستان کے دو طرفہ تعلقات کو ایک نئی جہت سے روشناس کرایا جا رہا ہے اور سٹریٹیجک شراکت داری کے ذریعے سے اقتصادی تعلقات کو مزید مستحکم کرنے کے لئے بھرپور کوششیں کی جا رہی ہیں اور دونوں ملکوں کے عوام کے درمیان ہم آہنگی پیدا کرنے کی سعی بھی کی جا رہی ہے۔