انڈونیشیا کی جانب سےسی پیک خصوصی اقتصادی زونز میں سرمایہ کاری میں دلچسپی کا اظہار۔

انڈونیشیا نے پاکستان میں خصوصی اقتصادی زونز (ایس ای زیز) میں سرمایہ کاری میں دلچسپی ظاہر کی ہے۔ ایک بیان میں انڈونیشیا کے نائب وزیر خارجہ برائے ایشیا پیسیفک اور افریقی امور عبدالقادر جیلانی نے کہا کہ چین پاکستان اقتصادی راہداری ایک اہم منصوبہ ہے اور انڈونیشیا بھی اس میں اپنی سرمایہ کاری کے لیے خصوصی اتصادی زونز میں موجود مواقعوں کا جائزہ لے رہا ہے۔ انہوں نے پاکستان اور انڈونیشیا کے درمیان اقتصادی، تجارتی اور سفارتی تعلقات میں ترقی کے وسیع امکانات کی بھی نشاندہی کی۔