سی پیک منصوبہ اور بیلٹ اینڈ روڈ انشی ایٹیو کے تحت خوشحالی کے لئے خطے میں باہمی تعاون کی اہمیت کے موضوع پر سیمینار کا انعقاد۔۔۔۔

سی پیک منصوبہ اور بیلٹ اینڈ روڈ انشی ایٹیو کے تحت خوشحالی کے فروغ کے لئے خطے میں باہمی تعاون کی اہمیت کے حوالے سےمسلم انسٹیٹیوٹ نے ”پاک-کوآپریشن اینڈ فیوچر آف ریجنل پروسپیرٹی”کے موضوع پر سیمینار کا انعقاد کیا۔اس دوران مسلم انسٹیٹیوٹ کے چئیرمین صاحبزادہ سلطان علی کا کہنا تھا کہ سی پیک منصوبہ مشرق وسطٰی، سینٹرل ایشیاء اور یورپ کا گیٹ وے ہے۔ جس کے سبب اس سے خطے میں امن و استحکام اور خوشحالی کو فروغ حاصل ہوگا۔اس دوران ڈین سوشل سائنسز ائیر یونورسٹی ڈاکٹر وسیمہ شہزاد کا کہنا تھا کہ چین اور پاکستان کا دو طرفہ تعاون اور سی پیک منصوبہ کو صرف تجارتی اور اقتصادی امور تک محدود نہیں کیا جا سکتا کیونکہ اس کا دائرہ کار ثقافتی ہم آہنگی اور تعلیم کے شعبے کی ترقی تک بھی پھیلا ہوا ہے۔ جبکہ برگیڈئیر (ر)عبد الرحمان بلال نے سی پیک کی کارکردگی کو مزید بہتر کرنے پر زور دیتے ہوئے کہا کہ اس میگا پراجیکٹ کے ذریعے سے خطے میں امن و خوشحالی کی ایک نئی جہت کا آغاز ہو گا۔