سی پیک پاکستان کے اقتصادی شعبے کا کایا پلٹنے کے لئے ایک اہم محرک ہے: صدر آزاد جموں کشمیر۔

آزاد جموں کشمیر کے صدر سردار مسعود خان نے اسلام آباد انسٹیٹیوٹ آف کنفلکٹ ریزلوشن کے زیر اہتمام سوال و جواب کے اجلاس سے خطاب کرتے ہوئے کہا ہے کہ سی پیک پاکستان اور چین کے مابین مضبوط باہمی تعلقات کا مظہر ہے۔ صدر اے جے کے نے مزید کہا کہ سی پیک پر بلا تقریق انفرادی ، سیاسی یا صوبائی قومی اتفاق رائے موجود ہے۔ ایک اور سوال کے جواب میں ، صدر آزاد جموں و کشمیر نے سی پیک میں کسی قسم کی سست روی کی خبروں کو مسترد کرتے ہوئے کہا کہ اس منصوبے سے نہ صرف پاکستان بلکہ پورے خطے کو فائدہ ہوگا۔ نیزصدر نے سی پیک کے خلاف پروپیگنڈے کو سختی سے مسترد کیا اور سی پیک کو پاکستان کے لئے اقتصادی شعبے کا کایا پلٹنے کے لئے ایک اہم محرک قرار دیا۔