وزیرخارجہ بلاول بھٹو کا چینی قونصل خانے کا دورہ،سابق چینی صدر کے انتقال پر اظہارِ تعزیت۔

وزیر خارجہ بلاول بھٹو زرداری نے پاکستان کی حکومت اور عوام کی جانب سے سابق چینی صدر جیانگ زیمن کے انتقال پر تعزیت کے لیے چینی قونصل خانے کا دورہ کیا۔ تعزیتی کتاب میں اپنے تاثرات میں وزیر خارجہ نے کہا کہ مرحوم سابق صدر کی پاکستان کے ساتھ پانچ دہائیوں پرانی وابستگی تھی اور ان کی وفات سے چین ایک عظیم رہنما سے محروم ہو گیا ہے۔ وزیر خارجہ نے کہا کہ جیانگ زیمن کا چین کی ترقی میں اہم کردار ہے۔