ویبینار میں چین-پاکستان آزاد تجارتی معاہدہ دوئم کے امکانات پر روشنی ڈالی گئی۔

وزارتِ کامرس اینڈ ٹریڈ اتھارٹی آف پاکستان (ٹی ڈی اے پی) کے زیر اہتمام ایک ویبینار کے دوران مقررین نے شرکاء کو چین- پاکستان آزاد تجارتی معاہدہ کے دوسرے مرحلے کے امکانات سے متعلق آگاہ کیا جو یکم جنوری 2020 کو طے پایا ہے۔ ڈائریکٹر جنرل ٹی ڈی اے پی کراچی ریاض شیخ نے کہا ہے کہ چین نے پاکستان کی برآمدات کے 313 اعلٰی ترجیحی مصنوعات کی ٹیرف لائنوں پر محصولات ختم کردیئے ہیں جو ٹیکسٹائل ، چمڑا ، زرعی خوراک ، مشینری ، آٹو اور دیگر اہم شعبے شامل ہیں۔ مزید برآں انہوں نے برآمد کنندگان پر زور دیا کہ وہ پاک چین تجارتی تعلقات کو مستحکم کرنے کے لئے اس موقع سے فائدہ اٹھائیں۔