پاک چین دوستی خطے میں معاشی استحکام، امن کی علامت ہے، عبدالعلیم خان

وفاقی وزیر برائے نجکاری، سرمایہ کاری بورڈ و مواصلات عبدالعلیم خان اسلام آباد میں چین کے سفارتخانے کا دورہ کیا جہاں انہوں نے چینی سفیر جیانگ زید ڈونگ سے ملاقات کی اور حالیہ دنوں چینی انجینئرز کے ساتھ پیش آنے والے حادثہ پر دلی دکھ اور گہرے رنج و غم کا اظہار کیا۔ تفصیلات کے مطابق عبدالعلیم خان نے چینی سفیر سے گفتگو کرتے ہوئے کہا کہ پاک چین دوستی خطے میں معاشی استحکام اور امن کی علامت ہے۔ انہوں نے کہا کہ چین اور پاکستان کے مابین گہری رفاقت اور دو طرفہ روابط کو نقصان نہیں پہنچایا جا سکتا۔