پاکستان اور چین کے درمیان پیاز کی برآمد کا معاہدہ۔

ایک تقریب کے دوران چین کے سفیر نونگ رونگ اور پاکستان کے وفاقی وزیر برائے فوڈ سیکیورٹی اینڈ ریسرچ سید فخر امام نے پاکستان سے چین پیاز برآمد کرنےکے لیے معائنہ اور قرنطینہ کی ضروریات کے پروٹوکول پر دستخط کیے۔ اس معاہدے سے پاکستانی پیاز پیدا کرنے والے چینی مارکیٹ تک رسائی حاصل کر سکیں گے۔ اس تقریب میں چینی سفیر نونگ رونگ نے کہا کہ ہم نے پیاز کے حوالے سے باضابطہ طور پر پروٹوکول پر دستخط کر دیے ہیں اور چین پاکستانی برآمد کنندگان کی مرچوں، آلو اور دیگر زرعی مصنوعات کے معائنے اور قرنطینہ میں مدد کے لیے تیار ہے۔