پاکستان نے افغانستان میں امن کے لئے سہ فریقی فریم ورک کو مضبوط بنانے پر دے زور دیا۔

چوتھی چین-افغانستان – پاکستان سہ فریقی وزرائے خارجہ ورچوئل ڈائلاگ کے دوران پاکستان کے وزیر خارجہ شاہ محمود قریشی نے کہا ہے کہ پاکستان باہمی دلچسپی کے امور کے لئے سہ فریقی فریم ورک کو مضبوط بنانے کے لئے پرعزم ہے۔ انہوں نے مزید کہا کہ ان تینوں ممالک کا امن ، خوشحالی اور معاشی ترقی ایک دوسرے کے ساتھ وابستہ ہیں۔ افغانستان کے بارے میں بات کرتے ہوئے انہوں نے فوجیوں کے ذمہ دارانہ انخلا پر زور دیتے ہوئے کہا کہ اس سے تینوں ممالک کو مل کر کام کرنے اور تمام شعبوں میں تعاون کو مستحکم کرنے کا ایک انوکھا موقع فراہم ہوگا۔ مزید برآں انہوں نے زور دے کر کہا کہ پاکستان افغان امن عمل میں کامیابی حاصل کرنے کے لئے پرعزم ہے۔