ہانگ کانگ کو چین کے حوالے کیے جانے کی پچیسویں سالگرہ پر وزیراعظم شہباز شریف کی جانب سے چین کو مبارکباد پیش۔

وزیر اعظم شہباز شریف نے ہانگ کانگ کی چین واپسی کی 25 ویں سالگرہ پر چینی صدر شی جن پنگ اور چین کے عوام کو مبارکباد پش کی ہے۔ انہوں نے کہا کہ ہانگ کانگ “ایک ملک، دو نظام” کے کامیاب طرزِ حکمرانی کی بہترین مثال ہے۔ یہاں یہ بات قابل ذکر ہے کہ مشرق بعید میں برطانوی سلطنت کا خاتمہ یکم جولائی 1997 کو ہوا جب برطانیہ نے باضابطہ طور پر ہانگ کانگ چین کو واپس کر دیا۔