سنٹرل ڈویلپمنٹ ورکنگ پارٹی (سی ڈی ڈبلیو پی)کی جانب سے سی پیک کے تحت ایم ایل ون منصوبہ کی منظوری۔

سی پیک اتھارٹی کے چیئرمین لیفٹیننٹ جنرل (ر) عاصم سلیم باجوہ نے بتایا ہے کہ سنٹرل ڈویلپمنٹ ورکنگ پارٹی (سی ڈی ڈبلیو پی) نے ریلوے مین لائن (ایم ایل – 1) منصوبے کی منظوری دے دی ہے اور اس کی مالیت 7.2 ارب امریکی ڈالر ہے جبکہ اس ضمن میں ایگزیکٹو کمیٹی آف نیشنل اکنامک کونسل (ایکنک ) کو سفارشات بجھوائی گئی ہیں۔ انہوں نے مزید کہا کہ یہ سی پیک کے دوسرے مرحلے کی ایک اہم سنگ میل ہے اور ایم ایل ون منصوبہ کےدائرہ کا پشاورسے کراچی تک 1872 کلومیٹر طویل ریلوے ٹریک کی تجدید اور اپ گریڈیشن کے علاوہ والٹن اکیڈمی کی اپ گریڈیشن بھی شامل ہے۔ مزید برآں سی پیک کے ایم ایل ون منصوبہ کے تحت حویلیاں میں ایک ڈرائی پورٹ بھی بنایا جائے گا۔