چائینہ انٹرنیشنل انجینئرنگ کنسلٹنگ کارپوریشن (سی آئی ای سی سی) کی جانب سے سی پیک کی معاونت کا سلسلہ جاری.

چین میں متعین پاکستانی سفیر نغمانہ ہاشمی نے سی پیک کے تحت گوادر بندرگاہ کی تیز رفتار ترقی کے سفر پر اطمینان کا اظہار کیا ہے اور سی پیک کی بروقت تکمیل کو یقینی بنانے کے عزم کا اعادہ کیا ہے۔ پاکستانی سفیر برائے چین نے چائینہ انٹرنیشنل انجینئرنگ کنسلٹنگ کارپوریشن (سی آئی ای سی سی) سے استدعاکی ہےکہ وہ سی پیک کے تحت تعمیر و ترقی کے سفر میں مدد و معاونت کا سلسلہ جاری رکھے۔ سی آئی ای سی سی کے صدر وانگ این نے تعاون کو یقینی بنانے کے عزم کا اظہار کیاہے۔ انہوں نے مزید کہا ہےکہ بیلٹ اینڈ روڈ انیشی ایٹو (بی آر آئی) کے آغاز کے بعد ہی سےپاکستان میں سی آئی ای سی سی کی کاوائیوں میں اضافہ کیا گیا ہے اور سی پیک کے تحت صنعتی یونٹوں کی منصوبہ بندی اور گوادر بندرگاہ کی فعالیت کو فروغ دینے کے لئے سی آئی ای سی سی نے نمایاں کردار ادا کیا ہے۔