چینی کمپنی وبائی مرض کے دوران سکی کناری پاور پراجیکٹ پر محفوظ عمل درآمد میں کوشاں۔۔ مقامی ہیلتھ یونٹوں کو پرسنل پروٹیکشن ایکویپمنٹس کاعطیہ۔

کووڈ-19 کے پھیلنے کے بعد سے پاکستان کو چین کی سرکاری اور نجی تنظیموں سمیت تمام شعبوں کی زبردست حمایت حاصل ہے۔تفصیلات کےمطابق سی پیک کے جاری مختلف منصوبوں میں مصروفِ عمل کمپنیوں نے وبائی مرض کے خلاف جنگ میں پاکستان کی مدد کے لئے نمایاں کردار ادا کیا ہے۔ واضح رہے کہ چینی کمپنی چائینہ گیزگوبا گروپ کارپوریشن (سی جی جی سی) خیبر پختونخواہ میں سکی کناری ہائیڈرو پاور پراجیکٹ پر کام کر رہی ہےجس نے کووڈ-19 کی روک تھام اور اس پر قابو پانے کے لئے مقامی ہیلتھ یونٹوں کو سرجیکل ماسک ، ہینڈ سینیٹائزر ، حفاظتی سوٹ اور چشموں سمیت ذاتی پرسنل پروٹیکشن ایکوپمنٹس (پی پی ای) کا عطیہ دیا ہے۔ علاوہ ازیں کووڈ-19کے سبب پیدا صورتحال میں سی جی جی سی نے پسماندہ مقامی کمیونٹی میں راشن بھی تقسیم کیے ہیں۔جبکہ یہ بات قابل ذکر ہے کہ سی جی جی سی کووڈ-19 کے دوران سکی کناری ہائیڈرو پاور پراجیکٹ پر محفوظ عمل درآمد کو یقینی بنانےکے لئے اپنے تمام ملازمین کی خاص دیکھ بھال کر رہی ہے۔