چینی کمپنیوں کی جانب سے پاکستان کو کووڈ- 19 کے خلاف جنگ میں طبی مددومعاونت کی مسلسل فراہمی۔۔

چین کی جانب سے کورونا وائرس کے سبب پیدا ہونے والی صورتحال میں ریاستی سطح پر پاکستان کی مدد کے علاوہ چینی کمپنیاں بھی مسلسل مدد و معاونت میں پیش پیش ہیں۔تفصیلات کے مطابق آل پاکستان چائنیز انٹرپرائزز ایسوسی ایشن نے پاکستان انسٹیٹیوٹ آف میڈیکل سائنسز (پمز) کو طبی سازوسامان مہیا کیا ہے اور کووڈ- 19 کے خلاف لڑنے کے لئے نیشنل ڈیزاسٹر مینجمنٹ اتھارٹی (این ڈی ایم اے) کو 4.1 ملین روپے کا چیک بھی پیش کیا ہے۔نیز چائینیز منسٹر کونسل فار ٹریڈ ان پاکستان وانگ نے چین میں وبائی مرض کے سبب پیدا ہونے والی صورتحال میں حکومتِ پاکستان اور پاکستانی عوام کی مدد و حمایت پرتشکر کا اظہار کرتے ہوئے مشکل گھڑی میں چین کی جانب سے پاکستان کے ساتھ مکمل یکجہتی کا اظہار کیا ہے۔ مزید برآں پمز کےایگزیکٹو ڈائریکٹر ڈاکٹر انصر مقصود نے چینی کمپنیوں کی حمایت پر ان کی تعریف کی ہے۔علاوہ ازیں گوادر میں چائینیز اوورسیز پورٹس ہولڈنگ کمپنی اور چینی ریڈ کراس میڈیکل ٹیم کے اشتراک سے گوادر ایسٹ بے ایکسپریس وے پراجیکٹ کے توسط سے کوویڈ- 19 کے خلاف جنگ میں جی ڈی اے اسپتال کو طبی سامان عطیہ کیا گیاہے۔